අප්‍රේල් 08 වැනිදා විශේෂ දිනයක් වෙයි

2024 මාර්තු 31, පෙ.ව. 12:04

අප්‍රේල් 08 වැනිදා පූර්ණ සූර්ය ග්‍රහණයක් සිදුවන බව ඇමෙරිකාවේ නාසා ආයතනය විසින් දැනුම්දී තිබෙනවා.

මෙම සූර්ය ග්‍රහණය හොඳින්ම දකින්න ලැබෙන්නේ උතුරු ඇමෙරිකාවට පමණක් බවයි ඔවුන් පෙන්වා දෙන්නේ.

සූර්ය ග්‍රහණයක් ඇතිවන්නේ, සූර්යයාගේ කොටසක් හෝ සූර්යයා සම්පූර්ණයෙන්ම හෝ වැසී යන පරිද්දෙන් සූර්යයා සහ පෘථිවිය අතරින් සඳ ගමන් කිරීම හේතුවෙනි.

පූර්ණ සූර්ය ග්‍රහණයක් දකින්න ලැබෙන්නේ ඉතාමත් කලාතුරකින් වන අතර උතුරු ඇමෙරිකානුවන්ට මින් පසු මෙවැනි පූර්ණ සූර්ය ග්‍රහණයක් දකින්න ලැබෙනු ඇත්තේ 2044 දී බවයි නාසා ආයතනය විසින් දැනුම්දෙන්නේ.