ඉන්ධන දෙන්න රටවල් 04ක් ලංකාවට එයි – ඉන්ධන මිල ගණන් වෙනස් වෙයිද?

2023 නොවැම්‍බර් 18, පෙ.ව. 12:02

---

---

එක්සත් ජනපදය පදනම් කරගත් ඛනිජ තෙල් බෙදාහැරීමේ සමාගමක් වන RM Parks ලබන මාසයේ ශ්‍රී ලංකාවේ මෙහෙයුම් ආරම්භ කරන බව විදුලිබල හා බලශක්ති අමාත්‍ය කාංචන විජේසේකර මහතා ප්‍රකාශ කළා.

ඩේලි නිවුස් වෙත වාර්තා වන පරිදි, ඇමරිකා එක්සත් ජනපදයේ ආර්එම් පාර්ක්ස් විසින් ඔවුන්ගේ මූලික ගෙවීම රජය වෙත තැන්පත් කර ඇති බව අමාත්‍ය විජේසේකර අනාවරණය කළා.

“එක්සත් ජනපදය පදනම් කරගත් සමාගම මුලින් ඉන්ධන පිරවුම්හල් 150 ක් පවරාගෙන ඒවා ක්‍රියාත්මක කරනු ඇත.

RM Parks හට තමන් විසින්ම නව පෙට්‍රල් ෂෙඩ් ඉදිකර ශ්‍රී ලංකාව තුළ ක්‍රියාත්මක කිරීමට අවසරයද ඇත.

අමාත්‍යවරයා වැඩිදුරටත් කියා සිටියේ RM Parks ශ්‍රී ලංකා වෙළඳපොළට පිවිසි තුන්වන ජාත්‍යන්තර ඛනිජ තෙල් සමාගම බවයි.

මෙම වසරේ ජුනි මාසයේදී, ශ්‍රී ලංකාව තුළ ඛනිජ තෙල් නිෂ්පාදන ආනයනය, ගබඩා කිරීම, බෙදා හැරීම සහ විකිණීම සඳහා දිගුකාලීන ගිවිසුමක් සඳහා Shell සමඟ සහයෝගයෙන් රජය සහ RM Parks අතර ගිවිසුමක් අත්සන් කරන ලදී.

මෙම වසර මුලදී, චීන ඛනිජ තෙල් දැවැන්තයා වන සිනොපෙක් 2023 මැයි මාසයේදී ගිවිසුමක් අත්සන් කරමින් ශ්‍රී ලංකා වෙළඳපොළට ඇතුළු වූ අතර එය දැනටමත් පසුගිය මාසයේ මෙහෙයුම් ආරම්භ කර ඇත.

Sinopec සමාගමට තනිවම නව පෙට්‍රල් ෂෙඩ් ඉදිකර ශ්‍රී ලංකාව තුළ ක්‍රියාත්මක කිරීමට අවසර ඇත.

---