රු.ලක්ෂයක මුදලක් රජයෙන් ලබා දෙන්න යයි

2024 දෙසැම්‍බර් 08, පෙ.ව. 12:02

කෘෂිකර්ම නියෝජ්‍ය අමාත්‍ය නාමල් කරුණාරත්න මහතා විශේෂ ප්‍රකාශයක් සිදුකර තිබෙනවා.

ඒ ජලයෙන් යට වී පූර්ණ හානි වූ වගාබිම් වෙනුවෙන් හෙක්ටයාරයකට රුපියල් ලක්ෂයක වන්දි මුදලක් ගෙවන බවයි.

එමෙන්ම, පසුගිය දිනවල පැවති අධික වැසි සහිත කාලගුණයත් සමඟ සිදු වූ වගා හානි පිළිබඳව ලබන 10 වනිදාට පෙර දැනුම් දෙන ලෙස කෘෂිකාර්මික හා ගොවිජන රක්ෂණ මණ්ඩලය දැනුම් දී තිබෙනවා.

එම දැනුම්දීම්වලින් අනතුරුව නිලධාරීන් ගොවිබිම් වෙත ගොස් හානිය පිළිබඳව ඇස්තමේන්තු කරන බව එම රක්ෂණ මණ්ඩලයේ සභාපතිවරයා සඳහන් කළේ ය.

කෙසේ වෙතත්, ජලයෙන් යට වූ වගා බිම් 25%කට පමණ හානි වී ඇතැයි ද සභාපතිවරයා වැඩිදුරටත් සඳහන් කළේ ය.