අස්වැසුම හා වැඩිහිටි දීමනා ගැන දැනුම්දීමක්

2026 ජූනි 14, පෙ.ව. 12:14

අඩු ආදායම්ලාභී පවුල්වල වැඩිහිටි පුරවැසියන් සඳහා ලබාදෙන වැඩිහිටි දීමනා සම්බන්ධයෙන් නිවේදනයක් නිකුත් කර ඇත. ජාතික වැඩිහිටි ලේකම් කාර්යාලයට අනුව, මැයි මාසය සඳහා වැඩිහිටි දීමනාව ලබන සඳුදා සිට තැපැල් කාර්යාලවලින් ලබා ගත හැකිය.

මෙම තත්ත්වය තුළ, එම ජ්‍යෙෂ්ඨ පුරවැසියන් සුබසාධන ප්‍රතිලාභ කවුන්සිලයේ දත්ත ගබඩාවට වහාම ඇතුළත් කිරීමටත්, අස්වැසුම ගිණුම් හරහා ගෙවීම් සිදු කිරීමටත් පියවර ගෙන ඇති බව එහි අධ්‍යක්ෂ චතුර මිහිදුම් මහතා පැවසීය.

එමෙන්ම මෙම ජ්‍යෙෂ්ඨ පුරවැසි දීමනාව ආකාර දෙකකින් ලබා දෙන බවත් ඔහු පවසා ඇත. සුභසාධන ප්‍රතිලාභ කවුන්සිලයෙන් අස්වැසුම ප්‍රතිලාභ ලබන පවුල්වල වැඩිහිටි සාමාජිකයින්ට ඔවුන්ගේ අස්වැසුම බැංකු ගිණුම් හරහා ගෙවීම් කළ බවත්, පසුගිය මාසයේ 29 වන දින ඔවුන්ට මුදල් ලබා දුන් බවත් ඔහු සඳහන් කළේය.

එසේම, වලංගු ගිණුම් නොමැති හෝ ගිණුම් විෂමතා හේතුවෙන් මුදල් රඳවාගෙන ඇති ජ්‍යෙෂ්ඨ පුරවැසියන්ට සෑම මසකම 15 වන දින තැපැල් කාර්යාල හරහා වැඩිහිටි දීමනා ලබා දෙන බව අධ්‍යක්ෂවරයා දැනුම් දී ඇත.