පදිකයන්ට විරුද්ධව ඉදිරියේදී දැඩි වෙන නීතිය

2026 ජූලි 04, පෙ.ව. 12:15

---

---

පොලිස් රථවාහන පාලන හා මාර්ග ආරක්ෂක කොට්ඨාසයේ අධ්‍යක්ෂ, ජ්‍යෙෂ්ඨ පොලිස් අධිකාරී මනෝජ් රණගල මහතා විසින් හෙඩ්ෆෝන් හෝ ඉයර්ෆෝන් පැළඳ සංගීතයට සවන්දෙමින් මාර්ගවල ගමන් කරන පදිකයන්ට විරුද්ධව ඉදිරියේදී දැඩිව නීතිය ක්‍රියාත්මක කරන බව සඳහන් කරයි.

ඔහු මේ බව සඳහන් කර ඇත්තේ සෞඛ්‍ය ප්‍රවර්ධන කාර්යාංශයේ පැවැති මාධ්‍ය සාකච්ඡාවකට එක්වෙමින්.

මෙම මාධ්‍ය සාකච්ඡාව ජූලි 06 වැනිදා සිට 10 වැනි දින දක්වා ක්‍රියාත්මක වන 11 වැනි ජාතික අනතුරු වැළැක්වීමේ සතිය නිමිත්තෙන් පැවැත් වුණා.

එහිදී ඔහු වැඩිදුරටත් අවධාරණය කළේ මේ වනවිට එවැනි පදිකයන්ට අවවාද කිරීම් පමණක් සිදු කළද, ඉදිරියේදී ඔවුන්ට විරුද්ධව අධිකරණ ක්‍රියාමාර්ග ගන්නා බවයි.

මේ අතර මෙසේ හෙඩ්ෆෝන් පැළඳ අවධානයෙන් තොරව මාර්ගවල ගමන් කිරීම නිසා පදිකයන් අනතුරුවලට ලක්වීමේ ප්‍රවණතාවක් පවතින බවටද හඳුනාගෙන ඇති බව සඳහන්.

---