“අපි රනිල් එක්ක එකතු වෙන්නේ නෑ” – සජිත් සිය ස්ථාවරය කියයි

2024 සැප්‍තැම්‍බර් 24, ප.ව. 5:04

සජිත් ප්‍රේමදාස මහතා ඉදිරි මහ මැතිවරණය සඳහා සමගි ජන සන්ධානයේ අගමැති අපේක්ෂකයා ලෙස නිල වශයෙන් නම් කර තිබෙනවා.

ඔහුගේ නායකත්වය තහවුරු කරමින් පැවති පක්ෂ රැස්වීමකදී මෙම තීරණය ඒකමතිකව අනුමත කරන ඇති බව සඳහන්.

ඉදිරි මැතිවරණ සූදානම පිළිබඳව සමගි ජනබලවේග පක්ෂ කාර්යයාලයේ පැවති රැස්වීමකින් අනතුරුව මාධ්‍ය අමතමින්.

සජිත් ප්‍රේමදාස මහතා පවසා ඇත්තේ, තමන් සහ හිටපු ජනාධිපති රනිල් වික්‍රමසිංහ අතර කිසිදු සහයෝගීතාවයක් නොමැති බවයි.

පසුගියදා අවසන් වූ ජනාධිපතිවරණයෙන් පරාජයට පත්වීමෙන් පසු තම ආධාරකරුවන්ට කෘතඥතාව පළ කිරීමට ද ඔහු කටයුතු කර තිබෙනවා.

සිංහල, දෙමළ, මුස්ලිම් සහ බර්ගර් ඇතුළු රට පුරා විවිධ ප්‍රජාවන්ගෙන් තමාට ලැබුණු සහයෝගය පිළිගන්නා අතර ශ්‍රී ලංකාවේ ප්‍රගතිය සඳහා ඔහුගේ කැපවීම දිගටම පවතින බවයි ඔහු සඳහන් කර ඇත්තේ.

එක්සත් හා සමෘද්ධිමත් ශ්‍රී ලංකාවක් ගොඩනැගීම සඳහා තම කැපවීම නොවෙනස්ව පවතින බවත්, අනාගතය වෙනුවෙන් ඔහු සටන් කරන බවත් මෙහිදී විපක්ෂ නායක සජිත් ප්‍රේමදාස මහතා අවධාරණය කර තිබෙනවා.