රුදුරු ආපදාවෙන් ඉහළම රාජ්‍ය නිලධාරීනුත් ජනතාව ගලවා ගන්න ජනතා සහාය පතයි

2025 නොවැම්‍බර් 29, පෙ.ව. 12:06

උද්ගතව ඇති අයහපත් කාල ගුණ තත්ත්වය නිසා රාජ්‍ය නිලධාරීන් පවා දැඩි අසීරුතාවට පත්ව ඇති බව වාර්තා වෙයි.

ඔවුන්ගේ බල ප්‍රදේශවල ගං වතුර සහ නාය යෑම් නිසා අවතැන් වූ සහ අනතුරුවලට මුහුණ පෑ ජනතාව ගලවා ගැනීමට කටයුතු කර ගත නොහැකිව එම නිලධාරීන් අසරණ වී ඇත..

ඌව පළාත් ප්‍රධාන ලේකම් අනුෂා ගෝකුළ ප්‍රනාන්දු සිය ෆේස්බුක් ගිණුමේ සටහනක් තබමින් පවසන්නේ ජීවිතේ කිසිදු දිනයක මෙතරම් අසරණ නොවූ බවයි.

මේ අතර වරකාපොළ ප්‍රාදේශීය ලේකම් රංගන සංජීව ෆේස්බුක් සටහනක් තබමින් ප්‍රකාශ කරන්නේ වරකාපොළ ගංගා දෙකක් පිටාර ගැලීමෙන් 500කට අධික පිරිසක් අවතැන්ව වහළවල් මත රැඳී සිටින හෙයින් ඔවුන් ගලවා ගැනීමට බෝට්ටු එවන ලෙසයි.