2022 දෙසැම්බර් 25, පෙ.ව. 2:26
ශ්රී ලංකා පොදුජන පෙරමුනේ මන්ත්රීවරුන් 107 දෙනෙකු ජනාධිපති රනිල් වික්රමසිංහ මහතාගෙන් ඉල්ලීමක් කර තිබෙනවා.
රට තුළ ඇතිවූ ප්රචණ්ඩක්රියා පිළිබඳ ජනාධිපති විමර්ශන කමිටුවේ වාර්තාව පාර්ලිමේන්තුවේ සභාගත කරන ලෙස ජනාධිපතිවරයා වෙත ලිපියක් යොමු කරමින් අදාළ මන්ත්රීවරුන් මෙම ඉල්ලීම සිදුකර තිබෙනවා.
පසුගිය මාර්තු 31වනදා සිට රට තුළ ඇතිවූ ප්රචණ්ඩක්රියා විමර්ශනය සඳහා හිටපු ජනාධිපති ගෝඨාභය රාජපක්ෂ මහතා විමර්ශන කොමිසමක් පත්කරනු ලැබුවා.
එහි සභාපති ලෙස හිටපු නාවික හමුදාපති අද්මිරාල් ඔෆ් ද ෆ්ලිට් වසන්ත කරන්නාගොඩ සහ සෙසු සාමාජිකයින් ලෙස හිටපු ගුවන්හමුදාපති මාර්ෂල් ඔෆ් ද එයාර්ෆෝස් රොෂාන් ගුණතිලක සහ හිටපු යුද හමුදාපති ජෙනරාල් දයා රත්නායක යන මහත්වරුන්ගෙන් සමන්විත ත්රිපුද්ගල කමිටුව මෙහි විමර්ශනය සිදුකර තිබෙනවා.
හිටපු ජනාධිපති ගෝඨාභය රාජපක්ෂ මහතාගේ නිවස ඉදිරිපිට උද්ඝෝෂණයේ නිරතවීම, පාර්ලිමේන්තු මන්ත්රීවරයෙකු ඝාතනය කිරීම, පාර්ලිමේන්තු මන්ත්රීවරුන් රැසකගේ නිවාසවලට හානි සිදුකිරීම, ජනාධිපති මන්දිරය ඇතුළු රාජ්ය ආයතන රැසක් අරගලකරුවන් විසින් අත්පත් කරගැනීම හා වත්මන් ජනාධිපතිවරයාගේ පෞද්ගලික නිවස ගිනිබත් කිරීම පිළිබඳව මෙහිදී විමර්ශනයට ලක්වී තිබෙනවා.
ශ්රී ලංකා පොදුජන පෙරමුණේ පාර්ලිමේන්තු මන්ත්රීවරුන් 107 දෙනෙකු සිය අත්සන සහිතව ජනාධිපතිවරයා වෙත යවන ලද ලිපියක් මගින් ඉල්ලා සිටින්නේ අදාළ විමර්ශන වාර්තාව පාර්ලිමේන්තුවේ සභාගත කරන ලෙසයි.
මෙම විමර්ශනයේදී ප්රචණ්ඩක්රියා සියල්ල පාලනය කිරීමට එවකට පොලීසිය හා හමුදා අංශ අසමත් වූ බවත්, බොහෝ අවස්ථාවල හමුදා හා පොලිස් ප්රධානීන් පහළ නිලධාරීන්ට එම ප්රචණ්ඩක්රියා වළක්වන ලෙස උපදෙස් ලබාදී නොමැති බවත්, ඒ නිසාම අදාළ නිලධාරීන් චේතනාන්විතව සිය වගකීම් පැහැරහැර ඇති බවත් ශ්රී ලංකා පොදුජන පෙරමුණේ මන්ත්රීවරුන් යැවූ ලිපියේ වැඩිදුරටත් සඳහන්.
2024 සැප්තැම්බර් 02, ප.ව. 12:39
2024 අගෝස්තු 30, ප.ව. 3:24
2024 අගෝස්තු 28, ප.ව. 3:00
2024 අගෝස්තු 26, ප.ව. 9:36
2024 අගෝස්තු 23, ප.ව. 1:46
03-09-24
03-09-24
23-08-24
23-08-24
22-08-24
22-08-24
13-08-24
13-08-24
07-08-24
07-08-24
05-08-24
05-08-24
05-08-24
05-08-24
05-08-24
05-08-24
04-08-24
04-08-24
02-08-24
02-08-24
02-08-24
02-08-24
01-08-24
01-08-24