දූෂණ වංචා දැක දැක සමෘද්ධි ලොක්කන් කරපු වැඩ හෙළිවෙයි! දිවිනැගුම ප්‍රතිලාභින්ගේ මුදලත් වංචා කරලා

2023 ජූනි 04, පෙ.ව. 9:51

සමෘද්ධි බැංකු හා බැංකු සමිතිවල සිදුවී ඇති මුල්‍ය වංචා හා අක්‍රමිකතා විගණන වාර්තා මගින් පෙන්වා දි තිබුනද මෙකී වංචා හා අක්‍රමිකතා වලක්වා ගැනිම සදහා ඉහළ කළමණාකරණයේ අවධානය යොමුවී නොතිබු බව ජාතික විගණන කාර්යාලය පවසනවා.

සමෘද්ධි බැංකු හා බැංකු සමිතිවල 2014 -2018 කාලය තුල සිදුවු වංචා 135කට අදාලව රුපියල් එකොළොස්කෝටි පනස්හත්ලක්ෂ විසිතුන්දහස් හයසිය දහනමයක් (115,723,619) සම්බන්දයෙන් 2018 හා 2019 යන වර්ෂවල විගණන වාර්තා මගින් පෙන්වා දි තිබුණා.

වාර්ෂිකව වාර්තා වී ඇති මුල්‍ය වංචා හා අක්‍රමිකතාවල ප්‍රමාණාත්මක වර්ධනයක් සිදුවි තිබියදිත් මේ සම්බන්දව ඉහල කළමණාකරණය විසින් අවධානය යොමුකොට ඒවා වලක්වා ගැනිම සදහා නිසි ක්‍රියාමාර්ග ගෙන නොතිබු බවද විගණන වාර්තාවේ.

බැංකු මුදල් අයථා පරිහරණය හේතුවෙන් දිවිනැගුම ප්‍රතිලාභින්ගේ අවශ්‍යතා සදහා යෙදවිමට ඇති මුදල් ඒ සදහා යෙදවිමට නොහැකි වී තිබුණා. මේ සදහා අනුයුක්තකොට ඇති කාර්ය මණ්ඩලය විසින් සිදුකර ඇති මුල්‍ය වංචා හා අක්‍රමිකතා වාර්තාවිම ප්‍රමාණාත්මක අගයක් ගෙන තිබු බවද විගණන වාර්තාවේ සදහන් වනවා.

මේ වනවිට සියලු සමෘද්ධි බැංකු හා බැංකු සමිති පරිඝනක ක්‍රියාවලියට යටත් කිරිම සිදුකරමින් පවතින බවත් එම නිසා අතින් සිදුකිරිමේ දී සිතාමතා සිදුකරන වැරදි හා මුල්‍ය වංචා අවම කරගැනිමට හැකි බව සමෘද්ධි සංවර්ධන දෙපාර්තමේන්තුවේ ගණන්දීමේ නිලධාරියා විසින් විගණනයට සදහන් කොට ති‌බෙනවා.

ලලිත් චාමින්ද