දෛනිකව ඉන්ධන මිල වෙනස් වෙයිද?

2023 සැප්‍තැම්‍බර් 13, ප.ව. 5:58

ලබන වසරේ සිට දෛනිකව ඉන්ධන මිල වෙනස්කිරීමේ ක්‍රමවේදයක් සකස් කිරීමට අවශ්‍ය කටයුතු කරන බව විදුලිබල සහ බලශක්ති අමාත්‍ය කංචන විජේසේකර මහතා සඳහන් කළා.

අමාත්‍යවරයා මේ බව ඛනිජ තෙල් නීතිගත සංස්ථාවේ අලෙවිකරුවන්ගේ සංගමය සමග පැවති හමුවක දී කියා සිටියා.

මෙම හමුවේ දී ඉන්ධන බෙදාහැරීම ඉදිරි සංවර්ධන කටයුතු සහ නව ඉන්ධන පිරවුම්හල් පිළිබඳ ගැටලු සම්බන්ධයෙන් ද සාකච්ඡා කර තිබෙනවා.

කෙසේ වෙතත්, ඉන්ධන බෙදාහැරීමේ කටයුතු ස්වයංක්‍රීය පරිඝනකගත මෙහෙයුම් පද්ධතියකට ගොනු කිරීමට ද මෙහිදී වැඩිදුරටත් සාකච්ඡා කර ඇත.