“දේශබන්දු සිද්ධලේප නෙවෙයි මොනවා ගෑවත් ඒක කියන්න ඕනේ විදිහක් තියෙනවා”

2025 අගෝස්‍තු 05, ප.ව. 3:01

පාර්ලිමේන්තු මන්ත්‍රී නාමල් රාජපක්ෂ මහතා අද පාර්ලිමේන්තුවේදී අදහස් දක්වමින් කියා සිටියේ අධිකරණයේ පවතින නඩුවක් සම්බන්ධයෙන් පාර්ලිමේන්තුවේදී සාකච්ඡා කිරීමේදී ඊට නිසි ක්‍රමවේදයක් පවතින බවයි.

ඒ අධිකරණ අමාත්‍ය හර්ෂණ නානායක්කාර මහතා විසින් අද පාර්ලිමේන්තුව අමතමින් සිදුකළ ප්‍රකාශයට විරෝධය දක්වමින්.

අධිකරණ අමාත්‍යවරයා පවසා සිටියේ “අපරාධයක් කරන එක වැරදියි. කල්පනා කරලා බලන්න රටේ පොලිස්පති රටේ නිල හමුදාව වන පොලිසිය යොදවලා අනාරක්ෂිත පුරවැසියන්ට වෙඩි තියන්න සලස්වනවා නම් එවන් පොලිස්පතිවරයෙක් මේ රටට කුමටද? මෙන්න මේ වගේ පුද්ගලයෙක් තමයි රනිල් රාජපක්ෂ විසින් පොලිස්පති කරන්න උත්සාහ කරන්නේ. ආනන්ද විජේපාල ඇමති තුමා කිව්වා වගේ මිනිස්සුන්ගේ රහස් ප්‍රදේශවල සිද්ධාලේප ගාලා ඒකට අහුවෙලා මානව හොමිකම් කඩ කෙරුවා කියලා සුප්‍රින් කෝට් එකේ තීන්දුව දීලා තියෙන වෙලාවේ තමයි රනිල් වික්‍රමසිංහ පත් කරන්නේ. සෑම ගෙදරකම සිටිය යුතු වෙද මහත්තයා සිද්ධාලේප කිව්වට අද වෙන කොට දේශබන්දු වෙලා තියෙන්නේ දැන්.” යනුවෙන්.

ඔහුගේ මෙම ප්‍රකාශයට විරුධ වූ නාමල් රාජපක්ෂ මහතා පවසා සිටියේ ” මෙය අධිකරණයේ පවතින නඩුවක්. හැබැයි අධිකරණ අමාත්‍යවරයත් පාර්ලිමේන්තුවේ මේ නඩුව ගැන පූර්ණ විග්‍රහයක් කරනවා. මේ අධිකරණ භාර ඇමතිවරයා රටේ..” යනුවෙන්.