“උඹ කවදාවත් හැදෙන්නෙ නැහැ… ඇත්ත කියපන්” – පෙම්වතිය නිරුවත් කරලා රහස් ප්‍රදේශයට මිරිස් කුඩු දාලා කළ අපරාධය

2023 ජූනි 27, ප.ව. 6:16

---

---

අවුරුදු 17ක් වයසැති පෙම්වතියව නිරුවත් කර ජංගම දුරකථනයෙන් වීඩියෝ කරමින් රහස් ප්‍රදේශයට මිරිස් කුඩු ගසා තුවාල සිදුකළ පෙම්වතාව ලබන 25 වැනි දා දක්වා රිමාන්ඩ් භාරයේ තබන ලෙසට මිනුවන්ගොඩ දිසා විනිසුරුවරයා ඊයේ නියම කළා.

මිනුවන්ගොඩ , හැලකන්දන ප්‍රදේශයේ පදිංචි 18 හැවිරිදි තරුණ සැකකරුවෙකුව මෙසේ රිමාන්ඩ් භාරයට පත් කර ඇති අතර
තරුණිය ගම්පහ මහ රෝහලේ නේවාසිකව ප්‍රතිකාර ලබන බවට අධිකරණයේදී සඳහන් වුණා.

දෙපාර්ශවයේම මවුපිය ඥාතීන් දැනුවත්ව දෙදෙනා අතර ප්‍රේම සම්බන්ධතාවය පවත්වාගෙන ගොස් ඇති බව පොලිසිය සඳහන් කළා.

සැකකරු යතුරුපැදියකින් පැමිණිලිකාරියව කමරාගොඩ ප්‍රදේශයේ මිතුරෙකුගේ නිවසකට රැගෙන ගොස් තිබෙන අතර එම නිවසේ කාමරයක් තුළ දී පැමිණිලිකාරිය සැකකරුට නොදන්නවා ගිය ගමනක් සම්බන්ධයෙන් ඇති වූ ආරවුලක් දුරදිග යාමෙන් අනතුරුව සැකකරු එම නිවසේ කුස්සියේ තිබූ මිරිස්කුඩු දමා තිබූ බෝතලය රැගෙන විත් ” උඹ කවදාවත් හැදෙන්නෙ නැහැ . ඇත්ත කියපන්” යැයි පවසා රහස් ප්‍රදේශයට මෙසේ මිරිස් කුඩු දමා ඇති බවට පැමිණිලිකාරිය ප්‍රකාශ ලබාදී ඇති බවට අධිකරණයේදී සඳහන් වෙනවා.

මිනුවන්ගොඩ පොලිසිය වැඩිදුරටත් පරීක්ෂණ සිදු කරනවා.

---