hit counter

2024 ජූනි මස 15 වන සෙනසුරාදා

2023 අප්‍රේල් 19, පෙ.ව. 1:22



කොළඹ ජාතික රෝහලේ දැඩි සත්කාර ඒකකය තව දුරටත් ප්‍රතිකාර ලබමින් සිටින ප‍්‍රවීණ කලාකරු ජැක්සන් ඇන්තනි මහතා නැවතත් පෙර සිටි තත්ත්වයට පත්වීමේ හැකියාව වෛද්‍ය විද්‍යාත්මකව ඉතා අඩු බව සෞඛ්‍යය ව්‍යත්තියවේදීන්ගේ සංගමයේ සභාපති රවි කුමුදේශ් මහතා සඳහන් කරනවා.

මාධ්‍ය අමතමින් ඒ මහතා මෙම අදහස් පල කළා.

මේ වන විට ඒ ඇන්තනී මහතාගේ ප්‍රතිකාර ක්‍රමය වෛද්‍ය විද්‍යාත්මක ක්‍රමයෙන් බැහැරව යම් යම් මිත්‍යා විශ්වාස මත තල්ලු වෙමින් ඉදිරියට යන බවක් පේන්න ඇතැයිද ඔහු පවසනවා.

අද වන විටත් ජැක්සන් ඇන්තනි මහතා ජීවත් වන්නේ යැයි විශ්වාස කරන්නේ තාක්ෂණය හා යන්ත්‍ර සූත්‍ර නිසා මිස මිත්‍යා විශ්වාස නිසා නොවන බවද ඔහු පෙන්වා දෙනවා.

ජැක්සන් ඇන්තනි මහතාට ගැටලුවක් නොවන ආකාරයට මේ ආකාරයේම පහසුකම් ඇති වෙනත් වාට්ටුවක් දින දෙක තුනකින් නිර්මාණය කර දීමට ඔහුට ආදරය කරන සියළු පාර්ශවයන්ට හැකියාව හැකියාව ඇති බවත් එසේ නැතිනම් මෙවන් රෝගීන් තම නිවෙස තුළ මේ ආකාරයේ යන්ත්‍රසූත්‍ර සවිකරගෙන රජයේ මැදිහත්වීම ද සහිතව එම රෝගීන් රැකබලා ගන්නා බවද හෙතෙම පැවසුවා.

ජැක්සන් ඇන්තනි මහතා සම්බන්ධයෙන් අනුගමනය කරන ක්‍රියා පිළිවෙල අනෙක් ඕනෑම රෝගියකුට පොදු විය යුතු බවත් එම පොදු බව සෞඛ්‍ය සේවාවේ පැවතිය යුතු බවත් පවසන ඔහු කිසියම් පුද්ගලයකු තමන්ගේ ඥාති රෝගියාද මේ ආකාරයෙන් දීර්ඝ කාලයක් තබා ගන්නැයි රෝහල් පද්ධතියෙන් ඉල්ලීමක් කළ හොත් එය බරපතල අභියෝගයක් වන බව ද හෙතෙම තවදුරටත් කියා සිටියා.





ලිපිය සමග සම්බන්ධ නවතම පුවත්: