hit counter

2025 පෙබරවාරි මස 06 වන බ්‍රහස්පතින්දා

2023 මැයි 21, පෙ.ව. 12:01



සිංගප්පූරුවේ මහල් නිවාස සංකීර්ණයක 8 වැනි මහලින් පැන මියගිය 41 හැවිරිදි නදීකා දිල්හානි ප්‍රනාන්දුගේ දේහය ඊයේ (20) උදෑසන කටුනායක ගුවන් තොටුපළින් ශ්‍රී ලංකාවට රැගෙන ආවා.

ඇගේ මරණය සැකකටයුතු බව පැවසූ ඥාතීන්, ඒ සම්බන්ධයෙන් පරීක්ෂණයක් ඉල්ලා සිටි නිසා මෘත දේහය මීගමුව රෝහල වෙත රැගෙන ගියා.

මෘත දේහය භාරගැනීම සඳහා මියගිය නදීකාගේ මව ඇතුළු ඥාතීන් පැමිණ සිටි අතර, නදීකාගේ මව මාධ්‍ය අමතා මෙසේ කියා සිටියා.

“මේ ගැන ලොකු සැකයක් තියනවා.එයා හැමවෙලේම කිව්වා මේ මිනිස්සු හරීම වසයි.මං කවදාවත් මේ වගේ වස මිනිස්සු දැකල නැහැ. වතුර උගුරක් මට දෙන්නෙ නැහැ.මට කන්න වෙලාවක් දෙන්නෙ නැහැ. මට චුට්ටක් ඉඳගන්නවත් දෙන්නෙ නැහැ.එයාගෙ ඉරිදා නිවාඩුවවත් දීලා තිබුනෙ නැහැ.ෆෝන් පාවිච්චිය තහනම්. උදේ 6ට ගත්තාම රෑ 11.30ට ආයෙ ෆෝන් එක දෙන්නෙ. ගෙදරට දෙමාපියෙකුට කථාකරන්න හැටියක් නැහැ.නිවාඩුත් නැහැ. උඹට කොහෙටද නිවාඩු තියෙන්නෙ කියලා. මේකෙන් එලියට යන්න බැහැ කියල.ඕකට වෙලා ඉඳින් කියල ඒ කාමරේකට කොටු කරා කිව්වා. ඒක කිව්වෙ මට එදා 1 ට විතර. එයා 3 වෙනකොට මේක කරගෙන මට හිතෙන හැටියට.මං යවපු මැසේජ් මොකුත් බලල තිබුනෙ නැහැ. පනින්න එන කෙනා කොහොමත් දූවල ගිහින් පනිනවනේ.රූපයක් පේනව අතින් මෙහෙම කර කර තර්ජනය කරනවා මෙයාට. ගහල දැම්මද දන් නැහැ. අපි ඉල්ලනව එහේ සීසීටීවී කැමරා ඇති ඒව බලයි කියල. එයාලා ගෙයි හැමතැනම සීසීටීවී කැමරා තියනවලු.රජය මැදිහත් වෙලා ඒක චෙක් කරන්න ඕන. ලොකු පීඩනයකින් එයා හිටියා. ඒ නිසා මේක ගැන මං පරීක්ෂණයක් ඉල්ලනවා. සැක සහිතයි මට මේ මරණේ





ලිපිය සමග සම්බන්ධ නවතම පුවත්: