ඉන්ධන ගැටලුවට ඉක්මන් විසඳුම් – නව ඉන්ධන පිරවුම්හල් ස්ථාපිත කිරීමට අවදානය

2026 ඔක්‍තෝබර් 12, පෙ.ව. 12:06

බලශක්ති අමාත්‍ය අනුර කරුණාතිලක පවසන්නේ ඉදිරියේදී නව ඉන්ධන පිරවුම්හල් ස්ථාපිත කිරීම සම්බන්දයෙන් අවදානය යොමු වී ඇති බවයි.

කොළඹදී පැවති සම්මන්ත්‍රණයකින් අනතුරුව මාධ්‍ය වෙත අදහස් දක්වමින් අමාත්‍යවරයා කියා සිටියේ වෙළඳපොල තුල ඉන්ධන හිඟයක් ඇතිවීමට ඉඩ නොදෙන බවයි.

අමාත්‍ය අනුර කරුණාතිලක මෙහිදී වැඩිදුරටත් කියා සිටියේ ලංකා ඛණිජ තෙල් නීතිගත සංස්ථාව සිය දෛනික ඉන්ධන සැපයුම 80% ක් පමණ දක්වා ඉහළ දමා ඇති බවයි.

කොළඹදී මාධ්‍ය වෙත අදහස් දක්වමින් අනුර කරුණාතිලක අමාත්‍යවරයා මේ බව සඳහන් කළේය.

“පෞද්ගලික සැපයුම්කරුවන්ගේ විශාල දුක්ගැනවිල්ලක් තිබුණා. ඔවුන්ට මේ පාඩුව දරාගන්න අමාරුයි කියලා. ඒ නිසා ඔවුන් වෙළෙඳපොලට ඉන්ධන සැපයීම යම් ප්‍රමාණයකට සීමාකරා. නමුත් අපි එක පැත්තකින් ඛණිජ තෙල් නීතිගත සංස්ථාව හැටියට තමන් වෙනදාට වඩා වෙළෙඳපොළට සපයන ප්‍රමාණය වැඩි කරලා විශේෂයෙන් 55%ක් තිබුණු එක 80% වෙනකන් වැඩිකරලා ඉන්ධන පාරිභෝගියන්ට ඇතිවන පාඩුව ටිකක් දුරට අඩු කරන්න අපි කටයුතු කරා.නමුත් තේරුම්ගන්න පුළුවන් පෞද්ගලික සැපයුම්කරුවන්ගේ ගැටලුව අපි ඔවුන්ගෙන් ඉල්ලා සිටින්නේ මේ අර්බුද කාලය සමනය කර ගත්තයින් පස්සේ ඔවුන්ට සාධාරණ ලාභයක් ඇතිව වෙළෙඳ කටයුතු කරගෙන යන්න අවස්ථාව ලැබෙයි. එතකන් ඉවසීමෙන් කටයුතු කරන්න කියලා. ඒ වගේම ඇතිවන ගැටලුව අවම කර ගැනීම සඳහා සමහර ප්‍රදේශවල ඉන්ධන පිරවුම්හල් හිමිකරුවන්ගේ ඔවුන් පමණයි මෙහෙයුම් කටයුතුවල යෙදෙන්නේ.අපි බලාපොරොත්තු වෙනවා ඉදිරියේදී නව ඉන්ධන පිරවුම්හල් ඇතිකරමින් මේවගේ අර්බුදකාරී ත්ත්වයකදී ඉන්ධන පාරිභෝගියන්ට ඇතිවන ගැටලුව අවම කරන්න කටයුතු කරන්න”