ජනවාරියේ හොදම නිවාඩු ගමනාන්ත අතරට ශ්‍රී ලංකාවත්

2024 දෙසැම්‍බර් 14, පෙ.ව. 12:07

2025 වසර ආරම්භයේ විදෙස් සංචාර සදහා සුදුසුම රටවල් අතර ශ්‍රී ලංකාව පෙරමුණට පත්ව තිබෙනවා.

CN Traveller විසින් ඉදිරිපත් කර ඇති වාර්තා අනුව 2025 ජනවාරි මස විදෙස් සංචාර සැලසුම් කරන්නන් අතර හොදම රටවල් අතර තුන්වන තැනට ශ්‍රී ලංකාව නම් කර ඇති බව සඳහන්.

එහි 2025 වසරේ ජනවාරි සංචාරය සදහා සුදුසුම රටවල් අතර අංක 1කට පිලිපීනය නම් කර ඇති අතර, ඉතාලියේ කදුකර කලාපයක් වන ඩොලමයිට්ස් දෙවන තැනට නම් කර තිබෙනවා.

ශ්‍රී ලංකාව එම ශ්‍රේණිගත කිරීමේ තුන්වන තැනට නම් කර ඇත්තේ උෂ්ණත්වය, ස්වභාව සෞන්දර්ය මෙන්ම මුහුදු වෙරළ තීරය යන සාධක මතයි.

2025 ජනවාරි මාසයේ උෂ්ණත්වය සෙල්සියස් අංශක 32කට වැඩි – සෙල්සියස් අංශක 10ට අඩු බව CN Traveller ඉදිරිපත් කර ඇති වාර්තාවේ සඳහන්.

ජනවාරි මසය වියලි සහ උණුසුම් වන අතර, ජනවාරි මාසයේ සන්ධ්‍යාව ඒ හා සමානව සෞම්‍ය වනවා. එබැවින් උතුරු අර්ධගෝලයේ ශීතලෙන් මිදීමට එය කදිම විකල්පයක් බවටයි එම වාර්තාවේ දැක්වෙන්නේ.

ත්‍රිකුණාමලයේ සිට ගාල්ල නගරය දක්වා වූ විස්මිත වෙරළබඩ නගරවලින් එකක හෝ කුඩා ධීවර ගම්මානයකට ගොස් නිවාඩුව ගත කරන ලෙස ඔවුන් පවසනවා.

ගාලු කොටුව ශ්‍රී ලංකාවට පැමිණෙන සංචාරකයින් අතර ආකර්ෂණීය ගමනාන්තයක් වනු ඇති බවත්, එහි ආකර්ෂණ ස්ථාන, සුවිශේෂී අවන්හල් තිබෙන බව එහි දැක්වෙනවා.