ගුවන් සමාගමේ නිලධාරියා මැරුවද.? අපි දන්නෑ.. – ඉන්දික

2026 මැයි 11, පෙ.ව. 12:05

---

---

2029 වසරේදී නාමල් රාජපක්ෂ සහ මහින්ද රාජපක්ෂ ප්‍රමුඛ පාලනයක් යළි පිහිටුවීම තම කණ්ඩායමේ ප්‍රධාන අරමුණ බව හිටපු පාර්ලිමේන්තු මන්ත්‍රී ඉන්දික අනුරුද්ධ සඳහන් කරයි.

පසුගිය කාලසීමාවේ තම දේශපාලන කඳවුර පසුබෑමකට ලක්වූයේ පක්ෂ අභ්‍යන්තරයේ ඇතැම් පිරිස් තුළ පැවති ‘අගමැති සිහිනය’ හේතුවෙන් බවද ඉන්දික අනුරුද්ධ සඳහන් කරයි.

ගුවන් සමාගමේ නිලධාරියගේ මරණය සම්බන්ධයෙන් සැකයක් පවතින බවත් එම නිලධාරියා සියදිවි නසා ගත්තද.? මැරුවද.? අපි දන්නේ නැති බවද ඉන්දික අනුරුද්ධ සඳහන් කරයි.

එනිසා රජය විසින් සිදුකරන චෝදනා හමුවේ පුද්ගලයන්ට සමාජයට මුහුණ දිය නොහැකි තත්ත්වයක් උදාවී ඇති බවද ඉන්දික අනුරුද්ධ සඳහන් කරයි.

ඉන්දික අනුරුද්ධ තවදුරටත් සඳහන් කළේ,

“ඔබ තමුන්නාන්සේලා දන්නවා අර ගුවන් සමාගමේ එක නිලධාරියෙක් සියදිවි නසා ගත්තද.? මැරුවද.? අපි දන්නේ නෑ. මේ ආණ්ඩුවේ බොරු වල ප්‍රමාණය කොච්චරද කියනවනම් මේ මහපොළොවට ගෙනත් තියපු නැති ගුවන් යානයකට අල්ලස් ගත්තයි කියලා නඩු දාලා. අද මිනිස්සුන්ට සමාජයට මුහුණ දෙන්න බැරි කරලා තියෙනවා. මේ ආණ්ඩුව ගැන තියෙන අවිශ්වාසය හින්දා ජනතාව නැවත කඳවුරට ඒකරාශී වෙනවා.”

---