2026 අප්රේල් 23, පෙ.ව. 9:57
මුදල්, ක්රම සම්පාදන සහ ආර්ථික සංවර්ධන අමාත්යංශයේ විදේශ සම්පත් දෙපාර්තමේන්තුවේ පරිගණක පද්ධතිය හරහා ඇතුළු වී සයිබර් හැකර්කරුවන් විසින් සිදුකළ සොරකමක් සම්බන්ධයෙන් මුදල්, ක්රම සම්පාදන සහ ආර්ථික සංවර්ධන අමාත්යංශය විසින් නීතිය බලාත්මක කරන ආයතන සහ අදාළ අනෙකුත් ආයතන වෙත දැනටමත් පැමිණිලි කර ඇති බව දැනුම් දී තිබෙනවා.
2026 ජනවාරි මාසය තුළදී, විදේශ මුදල් ප්රමාණයක් ගෙවීම පිළිබඳ හඳුනාගත් තොරතුරු අනුව, මුදල්, ක්රම සම්පාදන සහ ආර්ථික සංවර්ධන අමාත්යංශය විසින් ශ්රී ලංකා පරිගණක හදිසි ප්රතිචාර සංසදයට (SL-CERT) හා ශ්රී ලංකා පොලීසියේ පරිගණක අපරාධ විමර්ශන අංශය (Computer Crime Investigation Division) වෙත දැනුවත් කිරීම කර තිබෙනවා.
ඒ ඔස්සේ කරන ලද පරීක්ෂණ වලට අනුව අපරාධ පරීක්ෂණ දෙපාර්තමේන්තුව වෙත මෙන්ම මහ බැංකුවේ මූල්ය බුද්ධි ඒකකය (FIU) වෙත ද පැමිණිලි කිරීම සිදු කර තිබුණා.
මේ සම්බන්ධයෙන් අභ්යන්තර මූලික පරීක්ෂණයක් ද සිදුකර, අවශ්ය ක්රියා මාර්ග ගෙන ඇති අතර නිලධාරීන් කිහිපදෙනෙකු සම්බන්ධයෙන් ද විනය ක්රියාමාර්ග ගෙන ඇති බව සඳහන් වනවා.
මුදල්, ක්රම සම්පාදන සහ ආර්ථික සංවර්ධන අමාත්යංශය විසින්, අදාළ නීතිය ක්රියාත්මක කරන ආයතන හරහා සිදු කරන විමර්ශන සඳහා අවශ්ය සහය දැක්වීම සහ අවශ්ය තොරතුරු ලබා දීම සිදු කර ඇති බව දැනුම් දෙනවා.
දැනටමත් විමර්ශන කටයුතු සිදුවන බැවින්, එම කටයුතු වලට බාධාවක් නොවන සේ, මේ පිළිබඳව යාවත්කාලීන තොරතුරු, සුදුසු ඉදිරි අවස්ථාවක දී ලබා දීමට කටයුතු කරන බව ද එම නිවේදනයේ සඳහන් වනවා.
ශ්රී ලංකාව සහ විදේශීය රාජ්යයන් අතර පවතින ගිවිසුම් වලට අනුගතව, අදාළ සම්බන්ධීකරණයන් සහ එකඟතාවයන් සහිතව, මේ සම්බන්ධයෙන් අවශ්ය ඉදිරි කටයුතු සිදු කෙරෙනු ඇති බව වැඩිදුරටත් දැනුම් දී තිබෙනවා.
2026 අප්රේල් 23, පෙ.ව. 11:04
2026 අප්රේල් 23, පෙ.ව. 10:24
2026 අප්රේල් 23, පෙ.ව. 10:22
2026 අප්රේල් 23, පෙ.ව. 10:08
2026 අප්රේල් 23, පෙ.ව. 10:01
23-04-26
23-04-26
23-04-26
23-04-26
23-04-26
23-04-26
23-04-26
23-04-26
22-04-26
22-04-26
22-04-26
22-04-26
21-04-26
21-04-26
21-04-26
21-04-26
21-04-26
21-04-26
20-04-26
20-04-26
20-04-26
20-04-26
19-04-26
19-04-26