සේවක වැටුප් වැඩි කිරීමක් ගැන ජනපතිගෙන් ප්‍රකාශයක්

2024 අගෝස්‍තු 11, පෙ.ව. 12:03

ජනාධිපති රනිල් වික්‍රමසිංහ මහතා පැවසුවේ, වතු සේවකයන් සඳහා රුපියල් 1700ක දෛනික වැටුප ගෙවීමට වතු සමාගම් 7ක් එකගවී ඇති බවයි.

මහනුවර දිස්ත්‍රික් වතු කම්කරු සංගම් සහ තරුණ නායක රැස්වීම අමතමින්, ජනාධිපතිවරයා මේ බව සඳහන් කළේ.

කම්කරු අමාත්‍යවරයා ලෙස ජනාධිපතිවරයා විසින් එළඹෙන සඳුදා පඩි පාලක සභාව කැඳවා මේ සම්බන්ධයෙන් සාකච්ඡා කිරීමට නියමිත බව ජනාධිපති මාධ්‍ය අංශය පවසයි.

එම තීරණය ක්‍රියාත්මක කිරීම සඳහා අවශ්‍ය නම් විශේෂ නීති හඳුන්වා දෙනු ඇති බවද ජනාධිපති මාධ්‍ය අංශය තවදුරටත් සඳහන් කරයි.

තවත් දේශීය පුවත්