රටේ ජනතාව ප්‍රවේසම් වන්න – පොලීසියෙන් විශේෂ නිවේදනයක්

2024 අප්‍රේල් 08, පෙ.ව. 12:02

අලුත් අවුරුදු උත්සව සමය වෙනුවෙන් ජනතාව විශාල වශයෙන් විවිධ භාණ්ඩ මිලදී ගැනීමට කටයුතු කරමින් සිටින අතර එහිදී විවිධ ජාවාරම්කරුවන් පිළිබඳව ජනතාව කල්පනාකාරී වියයුතු බව පොලීසිය සඳහන් කරයි.

ව්‍යාජ මුදල් ජාවාරම්කරුවන් ඇතුළු කූඨ ව්‍යාපාරිකයින් පිළිබඳව දැඩි අවධානයකින් පසුවිය යුතු බවත් විනෝද චාරිකා යෑමේදී ක්‍රියාකළ යුතු ආකාරය සම්බන්ධව පොලීසිය ජනතාවට දැනුම්දීමක් කර ඇත.

පොලිස් මාධ්‍ය ප්‍රකාශකවරයා මේ සදහන් ජනතාවට දැනුම්දීමක් කරමින් සදහන් කළේ,

” චාරිත්‍ර වාරීත්‍ර ඉටුකළාට පස්සේ බොහෝ පිරිස් තමන්ගේ නෑදැයින් බලන්න යනවා. ගම්බිම්වල යනවා. යාළු මිත්‍ර ආදීන් බලන්න යනවා. විවිධ චාරිකා යනවා. විනෝද චාරිකා යනවා මේ නිවාඩු කාලසීමාවේ. මේවායෙදී විශේෂ අවධානය යොමුකළයුතු කාරුණු කිහිපයක් තියෙනවා.

ගමන් කරන වාහන පුද්ගලික වාහන වෙන්න පුළුවන් පොදු වාහනයක් වෙන්න පුළුවන්. පුද්ගලික වාහනයක් නම් ඔබගේ වාහනය ධාවනය කරන රියදුරා මත්පැන් පානය කරලා ඉන්නවාද.? අධික වේගයෙන් ගමන් කරනවාද.?

ඒ වගේම තමයි මාර්ග නීති කඩකරනවාද කියලා අවධානය යොමු කරන්න. පොලිස් නිලධාරීන් අපි රාජකාරියේ යොදවලා ඉන්නවා දිවයින පුරාම දැඩි ලෙස රථ වාහන නීතිය ක්‍රියාත්මක කරනවා පොදු ප්‍රවාහන සේවකයින් මෙවැනි රියදුරෙක් ඉන්නවනම් ඔබට එරෙහි වෙන්නට අයිතිය තියෙනවා.

මේ පුද්ගලයා මත්පැන් පානය කරලා කියලා තේරුණොත්, මාර්ග නීති කඩ කරමින් ගමන් කරනවා කියලා තේරුණොත් ඔබට විරුද්ධ වීමේ අයිතිය තියෙනවා. විශේෂයෙන්ම අදිවේගී මාර්ගයේ යම් කාරණයක් සිදුවූවොත් 1969 දැනුම්දීම් කරන්න.”