රට බේරගත්තට වැඩක් නෑ.. නීතිය ක‍්‍රියාත්මක කරනවා.. – ප්‍රසන්න ගුණසේන

2026 මැයි 06, පෙ.ව. 12:09

---

---

නීතියට පටහැනිව යම් කටයුත්තක් සිදු කර ඇත්නම්, එම පුද්ගලයා රට රැකගත් අයෙකු වුවද, අභීත අයෙකු වුවද ඉන් වැඩක් නොවන බවත් ඕනෑම අයෙකු නීතියට යටත් විය යුතු බවත් නියෝජ්‍ය අමාත්‍ය ප්‍රසන්න ගුණසේන මහතා පවසයි.

නීතිය හමුවේ සියලු දෙනා සමාන බවත්, වරදක් කර ඇති ඕනෑම අයෙකු නීතිය හමුවේ පෙනී සිටිය යුතු බවත් ඔහු අවධාරණය කළේය.

දැනටමත් අධිචෝදනා ගොනු කර ඇති සැකකරුවන්ට අදාළ අධිකරණ තීන්දු තීරණ ඉදිරි කාලය තුළ නිකුත් වීමට නියමිත බවත්, එය ඕනෑම පුද්ගලයෙකු දන්නා කරුණක් බවත් අමාත්‍යවරයා මෙහිදී සඳහන් කළේය. 

කිසිදු තරාතිරමක බලපෑමකින් තොරව නීතියේ ආධිපත්‍යය තහවුරු කිරීමට රජය කැපවී සිටින බවද ඔහු වැඩිදුරටත් කියා සිටියේය.

උත්සව අවස්ථාවකට සහභාගී වීමෙන් අනතුරුව මාධ්‍ය වෙත අදහස් දක්වමින් නියෝජ්‍ය අමාත්‍යවරයා මේ බව ප්‍රකාශ කළේය.

---