වාහන ආනයනය සම්බන්ධයෙන් නව ආණ්ඩුව ගන්න යන අලුත්ම තීරණය මෙන්න

2024 නොවැම්‍බර් 04, පෙ.ව. 12:03

ඉදිරියේදී නව ක්‍රමවේදයක් අනුව වාහන ආනයන සීමා ලිහිල් කිරීමට රජය තීරණය කර ඇති බවට තොරතුරු වාර්තා වනවා.

ඒ සඳහා පසුගිය රජය විසින් පත්කර තිබූ කමිටුවේ යෝජනා සහ වාහන ආනයනකරුවන්ගේ අදහස් ද සලකාබැලීමට නියමිත බවයි පැවසෙන්නේ.

ඉදිරියේදී මේ සම්බන්ධයෙන් නව ක්‍රමවේදයක් සකස් කළ පසු ඒ ගැන මහජනතාවට දැනුම් දෙන බවයි ජනමාධ්‍ය අමාත්‍ය විජිත හේරත් මහතා අවධාරණය කළේ.

අමාත්‍ය විජිත හේරත් මහතා මාධ්‍ය කළ විමසුමකට පිළිතුරු දෙමින් වැඩිදුරටත් පවසුවේ, පසුගිය රජය පත්කළ කමිටුවේ යෝජනා ද සලකා බලා එසේම රජයේ විදේශ විනිමය එකවර පිටට ඇදී නොයන පරිදි මෙය ක්‍රමානුකූලව කළයුතු කටයුත්තක් බවයි.