වාහන ලියාපදිංචිය සහ අයිතිය පැවරීමට පැන වූ නව නීතිය මෙන්න

2026 ජනවාරි 12, පෙ.ව. 7:35

---

---

මෝටර් රථ ලියාපදිංචි කිරීමේදී සහ අයිතිය පැවරීමේදී බදු ගෙවන්නන් හඳුනා ගැනීමේ අංකය (TIN) ඉදිරිපත් කිරීම අනිවාර්ය කිරීමට මෝටර් රථ ප්‍රවාහන දෙපාර්තමේන්තුව පියවර ගෙන තිබේ.

මෝටර් රථ ප්‍රවාහන දෙපාර්තමේන්තුව නිවේදනය කර ඇත්තේ, පසුගිය ජනවාරි 5 වනදා සිට ක්‍රියාත්මක වන පරිදි මෙම නව නීතිය දත්ත පද්ධතියට ඇතුළත් කර ඇති බවයි.

නව නීතිය අදාළ වන වාහන කාණ්ඩ

මෙම තීරණයට අනුව පහත සඳහන් වාහන හැර අනෙකුත් සියලුම වාහන සඳහා TIN අංකය අනිවාර්ය වේ:

• යතුරුපැදි
• ත්‍රීරෝද රථ
• ට්‍රැක්ටර් සහ අත් ට්‍රැක්ටර්
• ට්‍රැක්ටර් ටේලර්

අත්‍යවශ්‍ය තොරතුරු

ඉහත සඳහන් කළ වාහන හැර අනෙකුත් සියලුම වාහන සඳහා නව ලියාපදිංචියකදී හෝ අයිතිය පැවරීමකදී, අදාළ නව අයිතිකරු විසින් පහත තොරතුරු දත්ත පද්ධතියට ඇතුළත් කිරීම අනිවාර්ය වේ:

1. ජාතික හැඳුනුම්පත් අංකය (පුද්ගලික අයිතියක් නම්) හෝ ව්‍යාපාර ලියාපදිංචි අංකය (ආයතනයක් නම්).
2. බදු ගෙවන්නන් හඳුනා ගැනීමේ අංකය (TIN Number).

රජයේ බදු ප්‍රතිපත්තියට අනුව බදු ගෙවන්නන් විධිමත්ව හඳුනා ගැනීම සහ ලේඛනගත කිරීම මෙම පියවරෙහි ප්‍රධාන අරමුණ වී තිබේ.

---