“කලින් වගේ ආදරේ නැත්නම් එයාටත් හොරෙන් කොටුවක් පනින්න”

2024 පෙබරවාරි 04, පෙ.ව. 12:03

මධුමාධව අරවින්ද කියන්නේ එක්තරා අවස්ථාවකදී ගායකයෙක් විදියටත් තවත් අවස්ථාවකදී දේශපාලන වේදිකාව තුළත් විවිධ චරිත නිරූපණය කරපු කලාකරුවෙක්.

මොන මොන අංශවල නිරත වෙලා හිටියත් ඔහු තුළ ඉන්න කලාකරුවා කියන චරිතය නම් කවදාවත් නැති වුණේ නැහැ.

ගායන ශිල්පියෙක් විදිහට මේ වෙද්දි ක්ෂේත්‍රය තුළ නිරත වෙලා ඉන්න මදුමාදව නොයෙකුත් අවස්ථාවන්වලදී හරි අපූරු කවි සංකල්පනා තමන්ගේ මුහුණු පොතට එකතු කරනවා.

නිතරම සමාජයේ සිද්ධ වෙන සිදුවීම් අල්ලලා ඔහු විවිධ නිර්මාණාත්මක සටහන් මුහුණු පොතට එකතු කරද්දී ඒ වගේම තවත් ටිකක් හිටිය යුතු ආකාරය සටහනක් මුහුණු පොතට එකතු කරලා තිබුණා.ඔහු කියලා තිබ්බේ මෙන්න මේ වගේ කතාවක්.

“ඉස්සර වගේ ආදරෙ නැත්තම්…

එයාටත් හොරෙන් කොටුවක් පනින්න…

එදා තිබ්බ ආදරේ දැන් නැත්තම්…වයස කීය උනත්.., එහෙම ආදරයක් පිටින්, හොයා ගන්න….

ඔබ දිනක මැරිල යනව මිසක්.. නිවන් යනවද අපි හරියටම දන් නෑ…. ස්වර්ගෙ යනවද කියල අපි හරියටම දන් නෑ…

ආදරය, රාගය , සෙනෙහස නැතිවත් මන් කාගෙන හිටිය කියල මොකෙක්වත් සම්මානයක් දෙන් නෑ…

එහෙම මිනීවෙලා ඉන්න ඔබට අයිතියක් නෑ…

මොකද ලෝකෙ ලස්සන

ආදරේ විදපු, විදින, විදින්න ඉන්න මිනිස්සුන්ගෙන් මිසක්…

අපි දැන් අම්මල, තාත්තල

කියල යුතුකම් වලට යටවෙලා

තමන්ට තමන්ව නැතිවෙලා..

ජීවත් උනත් මැරිච්ච මිනියක් උන අයගෙන් ලෝකෙම කැත උනා…..