hit counter

2024 ජූනි මස 15 වන සෙනසුරාදා

2023 සැප්‍තැම්‍බර් 21, පෙ.ව. 12:01



ආසියාවේ ක්‍රිකට් වීරයින් කිරුළු පැළඳූ ආසියානු කුසලාන තරගාවලිය පසුගියදා නිමාව දුටුවා.

ඒ අසල්වැසි ඉන්දියාවට මෙවර ආසියානු කුසලානයේ ආඩම්බරය හිමිකර දෙමින්.

තරගාවලිය ඒ විදියට නිමාව දුටුවත් ඒ ගැන ඇහෙන කතාබහ නම් තවම නිම වී නෑ.

ආසියානු කුසලානයත් එක්ක වැඩි කතාබහට ඇගයීමට ලක්වුණේ ක්‍රීඩකයින් විතරක්ම නෙවෙයි.

වැසි සහිත කාලගුණයක පැවති තරගාවලිය සාර්ථකව නිමකරන්න අපේ ක්‍රීඩාංගණ සේවක මඬුල්ල ඇප කැපව ක්‍රියාත්මක වූ අන්දම ලෝකයේම කතාබහට ලක්වෙන මාතෘකාවක් බවට පත් වෙලා.

ඉතින් එහෙම කතා අතරේ ඉන්දීය ක්‍රිකට් කණ්ඩායමේ නායකයා විසින් කෘතගුණ දැක්වීමක් ලෙස තමාට හිමි වූ මුදල් ත්‍යාගය ක්‍රීඩාංගණයේ සේවකයින් හට ලබා දුන්නා කියලා ඡායාරූපයක් එක්කම කතාවක් පැතිරෙන්න ගත්තා.

ඒ සුපිරි සිව්දෙනාගේ වටයේ පැවති පකිස්තානු සහ ඉන්දියානු කණ්ඩායම් අතර තරගයේදී.

ඇත්තටම එහෙම වෙලාද !

ඔය ගැන ආයෙම කතාවක් ඇදිලා ආවේ ”ආරංචිය අසත්‍ය” විත්තිය කතාබහට ලක්වීමත් එක්ක.

අර අපි මුලින්ම කිව්ව කතාවට තටු ලැබුණේ මෙන්න මේ ඡායාරූපය නිසා

ඡායාරූප : facebook

ඒ විතරක් නෙවෙයි මේ කතාව සනාත කරමින් සහ කළ ක්‍රියාව අගයමින් සටහන් ද සමාජ මාධ්‍යයේ හුවමාරු වෙන්න පටන් ගත්තා.

ඡායාරූප : facebook

ඡායාරූප : facebook

ඡායාරූප : X

නමුත් ඇත්ත කතාව ඒක නෙවෙයි.

ඒක සංස්කරණය කළ ඡායාරූපයක්.

සැබෑ ඡායාරූපය තමයි මේ පහතින් දැක්වෙන්නේ..

ඡායාරූප : facebook

කොහොම නමුත් ඇද හැළුණු වර්ෂාවෙන් පිටිය ආවරණය කරගන්න කැපවුණු අපේ ක්‍රිඩාංගණ සේවක මඬුල්ල පැසසුමට ලක් කරන්න නම් රෝහිත් ශර්මා මෙන්ම කේ.එල් රාහුල් ද කටයුතු කරලා තිබුණා.

එවන් මොහොතක ගත් සේයා රුවක් තමයි මේ විදියට සංස්කරණය කරලා සංසරණය වෙන්න පටන් අරන් තිබුණෙ.

හැබැයි හුවමාරු වුණු අසත්‍ය පුවත වගේම පසුව මෙහෙම සටහන් ද යළි දකින්න ලැබුණා….

ඡායාරූප : facebook

ඒ වගේම KL රාහුල් සිය ඉන්ස්ටග්‍රෑම් ගිණුමට ද ක්‍රීඩාංගණ සේවකයින්ගේ කැපවීම අගය කරමින් මෙහෙම සටහනක් එකතු කර තිබෙන ආකාරයත් දක්නට ලැබුණා.

ඡායාරූප : Instagram




ලිපිය සමග සම්බන්ධ නවතම පුවත්: