hit counter

2024 ජූනි මස 19 වන බදාදා

2024 ජනවාරි 16, ප.ව. 4:16



කෘෂිකර්ම අමාත්‍යාංශය පැවසුවේ, කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා අද (16) දින තේ වගාව සඳහා යොදනු ලබන T 750, T 709 සහ T 200 යන පොහොර වර්ග සියල්ලෙහිම මිල රුපියල් 2,000කින් අඩු කිරීමට තීරණය කර ඇති බවයි.

ඒ අනුව දැනට වෙළෙඳපොළ තුළ පවතින තේ පොහොර මිලට වඩා සියයට 50කින් මිල අඩුවීමට නියමිතය.

රජයට අයත් කොළඹ කොමර්ෂල් පොහොර සමාගම සහ ලංකා පොහොර සමාගම් දෙකෙහි සභාපති ආචාර්ය ජගත් පෙරේරා මහතාට, T 750 සහ T 709 තේ පොහොර මිටියක මිල රුපියල් 7,735 දක්වාත්, T 200 පොහොර මිටියක මිල රුපියල් 5,500 දක්වාත් අඩු කිරීමට අවශ්‍ය පියවර ගන්නා ලෙස  අමාත්‍යවරයා උපදෙස් දී ඇත.

මෙම පොහොර සහනය කුඩා හා මධ්‍යම පරිමාණ සියලුම තේ වගාකරුවන්ට ලබාදෙන අතර, මහපරිමාණ තේ වගා කරන සමාගම් සඳහා ඉහත සඳහන් සියලුම පොහොර වර්ග රුපියල් 9,735ක මුදලකට ලබාදීමට ද තීරණය කරනු ලැබීය.

අද දින පෙරවරුවේ වැවිලි කර්මාන්ත අමාත්‍යාංශයේදී තේ වගා කරන දිස්ත්‍රික්ක අටෙහි තේ වගාකරුවන්ගේ සංගම්වල නියෝජිතයින් සමග සාකච්ඡා කළ අතර, එම අවස්ථාවට වැවිලි කර්මාන්ත අමාත්‍යංශයේ තේ වගාව සම්බන්ධව කටයුතු කරන සියලුම නිලධාරීන් ද සහභාගීවී තිබේ.

නියෝජිතයෝ ප්‍රකාශ කර ඇත්තේ, රජයට අයත් පොහොර සමාගම් විසින් නිපදවනු ලබන තේ වගාව සඳහා විශේෂිත පොහොර උසස්ම ප්‍රමිතියෙන් යුක්ත වන නිසා එම පොහොර ලබාදෙන ලෙසයි.

මෙම රුපියල් 2,000ක පොහොර සහනය සඳහා අමතරව වැයවන මුදල රුපියල් මිලියන 1200ක් වන අතර, එම මුදල් ප්‍රමාණය තේ මණ්ඩලය විසින් දැරීමට නියමිතය.

කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා පැවසුවේ, අප රටේ තේ කර්මාන්තයේ අභිවෘද්ධිය උදෙසා විශේෂයෙන් තේ වගාව සඳහා පොහොර යෙදීම අනිවාර්යය කිරීමට ගන්නා පියවරක් වශයෙන් මෙම සහනය ලබාදෙන බවයි.

දැනට වෙළඳපොළේ ඉහත සඳහන් පොහොර වර්ග මිටියක මිල රුපියල් 13,000 ඉක්මවා තිබෙනවා.වහාම ක්‍රියාත්මක වන පරිදි පොහොර මිලක් දැනෙන ගණනකින් අඩු කෙරේ





ලිපිය සමග සම්බන්ධ නවතම පුවත්: