ලක්ෂ 80ක් රස්සා කළත් බදු ගෙවන්නේ ලක්ෂ 8යි…!

2025 මාර්තු 23, පෙ.ව. 12:06

ශ්‍රී ලංකාවේ ලක්‍ෂ 80ක පමණ ශ්‍රම බලකායක් සිටිය ද එයින් ලක්‍ෂ 8ක පිරිසක් පමණක් බදු දැලට හසුවීමට හේතුව කුමක්දැයි රජයේ මුදල් පිළිබඳ කාරක සභාව විසින් මුදල් අමාත්‍යාංශයේ නිලධාරීන්ගෙන් පසුගියදා ප්‍රශ්න කර තිබේ.

2017 අංක 24 දරන දේශීය ආදායම් පනත සංශෝධනය කිරීම සඳහා වන දේශීය ආදායම් (සංශෝධන) පනත් කෙටුම්පත සාකච්ඡා කිරීම සඳහා පාර්ලිමේන්තු මන්ත්‍රී හර්ෂ ද සිල්වාගේ ප්‍රධානත්වයෙන් පසුගියදා පාර්ලිමේන්තුවේදී රජයේ මුදල් පිළිබඳ කාරක සභාව රැස්වූ අවස්ථාවේදී මෙම කරුණු සාකච්ඡා විය.

එහිදී නියෝජ්‍ය ඇමැති හර්ෂණ සූරියප්පෙරුම සහ මුදල් අමාත්‍යාංශ නියෝජනය කරන නිලධාරීන් ප්‍රකාශ කළේ පවතින ක්‍රමවේදය අනුව ආසන්න වශයෙන් ලක්‍ෂ 80ක පිරිසකගෙන් ලක්‍ෂ 8ක් පමණ බදු සීමාව සපුරාලන බවයි.