ඥානසාර හිමිට පවතින නීතිය අනුව ජනාධිපති සමාව දෙන්න බෑ..- අධිකරණ ඇමති

2026 ඔක්‍තෝබර් 19, පෙ.ව. 12:13

අධිකරණයට අපහාස කිරීමේ චෝදනාව මත බන්ධනාගාරගතව සිරදඬුවම් විඳිමින් සිටින බොදු බල සේනා සංවිධානයේ මහලේකම් පූජ්‍ය ගලගොඩඅත්තේ ඥානසාර හිමියන්ට මෙරට පවතින නීතිමය ප්‍රතිපාදන අනුව යළි ජනාධිපති සමාවක් ලබා දීමේ හැකියාවක් නොමැති බව අධිකරණ අමාත්‍ය නීතිඥ හර්ෂණ නානායක්කාර මහතා පවසයි.

අධිකරණ අමාත්‍යවරයා පෙන්වා දෙන්නේ, අධිකරණ තීන්දුවක් මගින් නියම කෙරුණු සිරදඬුවමකට අදාළව නීතියේ ආධිපත්‍යය හා ව්‍යවස්ථාපිත ක්‍රියාපටිපාටියෙන් බැහැරව විධායක බලතල යොදා ගනිමින් හිතුවක්කාරී ලෙස සමාව ප්‍රදානය කිරීමට වත්මන් නීතිමය රාමුව තුළ කිසිදු ඉඩකඩක් නොමැති බවයි.

ආණ්ඩුක්‍රම ව්‍යවස්ථාව සහ අධිකරණයේ ස්වාධීනත්වය ආරක්ෂා කිරීමට බැඳී සිටින රජයක් ලෙස, අධිකරණ නියෝගයන්ට පටහැනිව කිසිදු අත්තනෝමතික දේශපාලන තීරණයක් නොගන්නා බව ද අමාත්‍යවරයා වැඩිදුරටත් අවධාරණය කර තිබේ.

2016 වසරේ හෝමාගම මහේස්ත්‍රාත් අධිකරණයේදී මාධ්‍යවේදී ප්‍රගීත් එක්නැලිගොඩ අතුරුදන් කිරීමේ නඩුව විභාග වෙමින් පැවති අවස්ථාවේදී අධිකරණ කටයුතුවලට බාධා කරමින් අධිකරණයට අපහාස කළ බවට වරදකරු කරමින්, 2018 වසරේදී අභියාචනාධිකරණය මගින් පූජ්‍ය ගලගොඩඅත්තේ ඥානසාර හිමියන්ට වසර 6ක බරපතළ වැඩ සහිත සිරදඬුවමක් නියම කරන ලදී.

කෙසේ වෙතත්, මාස 9කට ආසන්න සිරදඬුවම් කාලයකින් පසුව 2019 මැයි මාසයේදී එවක ජනාධිපති මෛත්‍රීපාල සිරිසේන මහතා විසින් උන්වහන්සේට විශේෂ ජනාධිපති සමාවක් ලබා දී නිදහස් කෙරිණි.

එම සමාව දීමට එරෙහිව සන්ධ්‍යා එක්නැලිගොඩ මහත්මිය ඇතුළු පාර්ශ්ව කිහිපයක් විසින් ශ්‍රේෂ්ඨාධිකරණය හමුවේ මූලික අයිතිවාසිකම් පෙත්සම් ගොනු කරන ලදී.

අදාළ පෙත්සම් විභාග කළ ශ්‍රේෂ්ඨාධිකරණ ත්‍රිපුද්ගල විනිසුරු මඬුල්ල, හිටපු ජනාධිපතිවරයා ලබා දුන් එකී ජනාධිපති සමාව අත්තනෝමතික, නීතිවිරෝධී සහ ජනතා පරමාධිපත්‍යය කඩකිරීමක් බව තීන්දු කරමින් ඉකුත් සැප්තැම්බර් මාසයේදී එය ඒකමතිකව බලරහිත කළේය. ඒ අනුව ඉතිරි සිරදඬුවම විඳීම සඳහා ඥානසාර හිමියන් යළි බන්ධනාගාරගත කෙරිණි.

උන්වහන්සේ සිරගත කිරීමත් සමඟ බන්ධනාගාර නීති යටතේ චීවරය ඉවත් කිරීමට සිදුවීම මුල් කරගනිමින් මහ සංඝරත්නය මහනුවර සිට කොළඹ දක්වා ‘නිදහසේ පා ගමනක්’ ආරම්භ කළ අතර, එම පාගමන ඥානසාර හිමියන්ට ජනාධිපති සමාව ලබා දී නිදහස් කරන ලෙස ඉල්ලා සිටින උද්ඝෝෂණයක් බවට පත්විය. එහෙත් අධිකරණ තීන්දුවලට පිටින් ගොස් ජනවරමට සහ නීතියේ ආධිපත්‍යයට පටහැනි කිසිදු ක්‍රියාමාර්ගයක් නොගන්නා බව රජයේ ප්‍රධාන අමාත්‍යවරුන් රැසක්ම මීට පෙරද ප්‍රකාශ කර තිබුණි.

තවත් දේශීය පුවත්

ඥානසාර හිමිට පවතින නීතිය අනුව ජනාධිපති සමාව දෙන්න බෑ..- අධිකරණ ඇමති

අද ප්‍රදේශ කිහිපයක රස්නය ඉහළට – ජනතාවට විශේෂ දැනුම්දීමක්

බරපතළ ගුරු හිඟයක් මතුවෙලා – ස්ථාන මාරු ලබා ගැනීමට නොහැකිව විශාල ගැටලුවක් – ලංකා ගුරු සංගමයෙන් නිවේදනයක්

කාවන්තිස්ස බේරන්න අපි උපරිම උත්සාහ කලා.. ඒත් බැරිවුණා..

ඇම්බියුලන්ස් එකට මම දානකොට රුවන්වැලිසෑය දැක්ක,මම බුදුන් වහන්සේ දැක්කා,ඉතින් මම වැඳගත්තා – බලංගොඩ කස්සප හිමි

ඉස්ලාම් බැතිමතුන්ට හජ් පනත ගැසට් කළා.. අඩු වියදමින් මක්කම වැඳපුදා ගන්න ලැබීම අපේ ජයක්…! – බුද්ධ ශාසන ඇමති

ලිපිය සමග සම්බන්ධ නවතම පුවත්:

ඉස්ලාම් බැතිමතුන්ට හජ් පනත ගැසට් කළා.. අඩු වියදමින් මක්කම වැඳපුදා ගන්න ලැබීම අපේ ජයක්…! – බුද්ධ ශාසන ඇමති

රූපවාහිනි නාලිකා දෙකක් ආණ්ඩුව පෙරළන්න හදනවා… එක නාලිකා සහෝදරයෙක් වෙලේ සුදාගෙන් සල්ලින් අරන්…! – ජනපති

“බලයේ ඉන්න ආණ්ඩුවම අද පෙළපාලි යනවා , කොහොමද ඒක” – දිලිත්

හැමෝටම එක නීතියක් රටේ එකම වරදට ඥානසාර හාමුදුරුවෝ හිරගෙදර… රංජන් රාමනායක ගෙදර…! – සමන් රත්නප්‍රිය

ඥානසාර හිමිට නිදහස ලැබෙයිද ? “නීතිය නවන එක ජනතාව මේ ආණ්ඩුවෙන් බලාපොරොත්තු වෙන්නේ නෑ” – නලින්ද දීපූ පිළිතුර මෙන්න

රෝහලේ ඉන්න මහින්දට වැඩ වරදී.. ඩොලර් මිලියන ගණනක අල්ලස්

ජනාධිපතිතුමා ඥානසාර හිමිට කිසිසේත් සමාව දෙන්නෑ… ඒක ගැන කිසිම සැකයක් නෑ…! – ඇමති කේ.ඩී. ලාල්කාන්ත

යෝෂිත මිලියන ගණනක නාවික හමුදා වැටුපක් ගත් හැටි හෙළිවෙයි

ලෝකේ යුද්ධයක් තිබ්බත් ආණ්ඩුවේ හොඳකම නිසා ඒක දැනෙන්නේ නෑ..- ලාල් කාන්ත

මගේ වාහන දෙකම කැඩුනා.. රජයට අලුත් වාහන ඕනෑ ..- ලාල්කාන්ත

ජනතාව ජීවිත පූජාකර මේ ආණ්ඩුව රකින්න ලෑස්තියි..- සුනිල් රත්නසිරි

කැදැල්ල කඩන්න කතා හදන ඕපාදූපකාරයින්ට අකිල ධනුද්දර මුහුණටම දුන් සැර ප්‍රහාරය!