දවස් 3කට කලිනුත් ආදරෙන් හිටියාද? – තරුණිය ඝාතනය කළ සරසවි පෙම්වතාගේ මුහුණුපොතින් හෙළි වූ අලුත්ම කතාව මෙන්න

2023 ජනවාරි 19, පෙ.ව. 6:21

පෙම්වතා විසින් මෙසේ ගෙල කපා මරා දැමු කොළඹ සරසවියේ විද්‍යා පීඨයේ තෙවැනි වසරේ අධ්‍යාපනය ලැබූ හෝමාගම කිරිවත්තුඩුව පුබුදු උයනේ පදිංචි චතුරි හංසිකා මල්ලිකාරච්චි නමැති මේ සිසුවිය සම්බන්ධයෙන් මේ වන විට සමාජ මාධ්‍ය තුළ කතිකාවක් ඇති වී තිබෙනවා.

තම ප්‍රේමය අහිමි වේයැයි යන බියෙන් සිය ආදරවන්තියට මෙම අපරාධය සිදු කළ බව පෙම්වතා විසින් පොලිස් ප්‍රශ්න කිරීමේදී ඊයේ (17) පවසා තිබෙනවා.

ඇගේ ගෙල කපා මරා දැමූ පෙම්වතාද කොළඹ සරසවියේ ඇය සමඟ තෙවැනි වසරේම අධ්‍යාපනය ලබන සිසුවෙක්.

වැල්ලම්පිටිය චිත්තම්පහුවේ පදිංචිකරුවකු වන ඔහු පසිඳු චතුරංග නමැති අයෙක්.

ඔවුන්ගේ සමාජ ජාල නිරීක්ෂණයේ පෙනී යන්නේ ඔවුන් දින 4කට පෙරත් අනිකාගේ පොස්ටු ෂෙයාර් කර ඇති බවයි.

පසිදු චතුරංග විසින් සිය පෙම්වතිය වන චතුරි හංසිකාගේ පන්ති සම්බන්ධයෙන් වන පොස්ටුවක් සිය මුහුණුපොතට එකතු කර තිබුනේ ජනවාරි 14 වනදායි.

ඇය ඉන් දින තුනකට පසුවයි මෙලෙස ඇයව අමානුෂික ලෙස ඝාතනය කරනු ලැබුවේ.