hit counter

2024 මැයි මස 19 වන ඉරිදා

2023 මැයි 09, ප.ව. 3:14



කළුතර – නාගොඩ ප්‍රදේශයේ හෝටලයකට ගොස් සිටිය දී අභිරහස් ලෙස පාසල් සිසුවියක් මියයාමේ සිද්ධියට අදාළව අත්අඩංගුවට ගත් ප්‍රධාන සැකකරු සම්බන්ධයෙන් තොරතුරු රැසක් මේ වන විට අනාවරණ වී තිබෙනවා.

ඔහු මේ වන විට දකුණු කළුතර පොලිස් ස්ථානයේ රඳවාගෙන ප්‍රශ්න කෙරෙන අතර අද (09) දිනයේ දී අධිකරණයට ඉදිරිපත් කර රැදවුම් නියෝග ලබාගැනීමට ද නියමිත බවයි පොලිසිය සඳහන් කළේ.

දකුණු කළුතර පොලිසියට ලද තොරතුරකට අනුව සැකකරු ගාල්ල ප්‍රදේශයේ රැදී සිටින බවට වූ අනාවරණයත් සමඟ අද (09) අලුයම වැටලීමක් සිදුකර තිබෙනවා.

එහිදී ගාල්ල – හික්කඩුව ප්‍රදේශයේ පිහිටි සංචාරක හෝටලයක ඔහු රැදී සිටිය දී අත්අඩංගුවට ගත් බවයි පොලිසිය සඳහන් කළේ.

29 හැවිරිදි මෙම සැකකරු කලුතර ඉසුරු උයන ප්‍රදේශයේ පදිංචි අයෙක්.

ඉසුරු උයන ප්‍රදේශයේ නිවසක් කුලියට ගෙන ඔහු රැඳී සිට ඇති අතර ස්ථීර පදිංචිය වී ඇත්තේ පානදුර ප්‍රදේශයයි.

මෙම සැකකරු මීට පෙර අවස්ථා දෙකක දී විවාහ වී ඇති අතර පළමු විවාහය සිදුකර ඇත්තේ අහංගම ප්‍රදේශයේ පදිංචි කාන්තවක් සමඟයි.

පසුව කළුතර ප්‍රදේශයේ කාන්තාවක් සමඟ විවාහ වී ඇති බවට අනාවරණ වී තිබෙනවා.

පොලිසිය දැනට සිදුකරන ලද අනාවරණවලින් හෙළිව ඇත්තේ තවත් කාන්තාවන් කිහිපදෙනෙකු සමඟ මොහු සබඳතා පවත්වා ඇති බවටයි.

එමෙන්ම ඔහුට එරෙහිව මුදල් වංචා සම්බන්ධයෙන් ද චෝදනා එල්ලවී තිබෙනවා.

මේ අතර සිද්ධියෙන් මියගිය 16 හැවිරිදි දැරියගේ අවසන් කටයුතු අද (09) පස්වරුවේ කළුතර – ඇටවිල ප්‍රදේශයේ දී සිදුකිරීමට නියමිතයි.





ලිපිය සමග සම්බන්ධ නවතම පුවත්: