තිලිණි ප්‍රියමාගේ පැටිකිරිය ටිකෙන් ටික එළියට – රත්‍රන් වලින් ගහපු ගේම් මෙන්න (VIDEO)

2022 ඔක්‍තෝබර් 14, පෙ.ව. 11:57

තිළිණි ප්‍රියමාලි මුදල් වංචා කළ බව සඳහන් කරමින් ඊයේ (13) දිනයේදීත් අපරාධ පරීක්ෂණ දෙපාර්තමේන්තුවට පැමිණිලි දෙකක් ලැබී තිබෙනවා.

ඉන් එක් පැමිණිල්ලක ඇය රුපියල් හාරකෝටි හැත්තෑපන් ලක්ෂයක් වංචා කළ බවත් අනෙක් පැමිණිල්ලේ රුපියල් කෝටි 7කට අධික මුදලක් වංචා කළ බවත් දැක්වෙන බව පොලීසිය පවසයි.

මේ අතර තිළිණි ප්‍රියමාලි ව්‍යාපාරිකයෙකුගෙන් ලබා ගත් රත්‍රං කිලෝවකට අධික ප්‍රමාණයක බර කිරන අයුරු දැක්වෙන වීඩියෝවක් සමාජ මාධ්‍ය වෙත නිකුත් වී තිබෙනවා.

ඇයගේ සහකරු බවට පැවසෙන ඉසුරු බණ්ඩාර නැමැත්තාද එම ස්ථානයේ සිටින බවයි පැවසෙන්නේ.

මෙය වීඩියෝ කර ඇත්තේ ලෝක වෙළෙඳ මධ්‍යස්ථානයේ පිහිටි තිකෝ සමූහ ව්‍යාපාරයේ බව එය ලබාදුන් ව්‍යාපාරිකයා සඳහන් කළා.

තිළිණි ප්‍රියමාලි මුදල් වංචා කළ බව පවසමින් අපරාධ පරීක්ෂණ දෙපාර්තමේන්තුවට ඉදිරිපත්ව ඇති පැමිණිලි ගණන 11ක්.

මේ අතර සැකකාරියව ලෝක වෙළෙඳ මධ්‍යස්ථානයේ පිහිටි තිකෝ සමූහ ව්‍යාපාරය පිහිටි ගොඩනැගිල්ලට, කොළඹ 6 ප්‍රදේශයේ පිහිටි අධි සුඛෝපභෝගී නිවාස සංකීර්ණයකට හා වත්තල ප්‍රදේශයේ නිවසකට වැඩිදුර විමර්ශන සඳහා රැගෙන ගොස් තිබුණා.

සැකකාරිය අ.පො.ස සාමාන්‍ය පෙළ දක්වා පමණක් අධ්‍යාපනය ලබා ඇති අතර ඇයගේ සැමියා බව පැවසෙන පුද්ගලයා සමග එක්ව ඇයට හිමි බව පැවසෙන සමාගමක් මගින් සමාජයේ ප්‍රභූ පුද්ගලයන්ට ආචාර්ය උපාධි පිරිනමා ඇති බවටද මේ වනවිට කරුණු අනාවරණ වී තිබෙනවා.